中環在線：
出席內衣褲show　青姐攬猛男 - 李華華

股評人胡孟青（青姐）曳曳呀！上星期五晚，佢碰見猛男，望到眼都唔眨，仲要雙手攬住兩位猛男條腰㖭呀，都唔怕老公呷醋嘅。
事緣一間本地內衣褲公司最近推出全新男士內衣褲系列，上周五晚舉行一個小型花生騷，場內觀眾主要係外籍女士，一見到猛男模特兒着住內褲行貓步，即刻咿哇鬼叫，青姐都叫做克制，只係專心睇花生騷，同埋用手機幫男模影相。完場之後，佢就被男模邀請合照。

呢個男士內衣褲系列以結合女性內衣褲嘅性感元素做賣點，加入比馬棉、土耳其喱士、意大利假軟皮等特別質料。青姐旁邊、着住白色內衣褲嘅模特兒，佢套衫褲側邊，成套售價過千蚊。青姐都話，好鍾意呢套白色喱士款式，可能考慮為老公買番件咁話。