現年53歲的白花油王子顏福偉，自從07年發生非禮男的士司機而變得低調，不過仍無損他對唱歌的熱誠和善心，每年都會推出新歌做慈善的他，又即將在網上推出新歌《Silly Dreams》為保護遺棄動物協會籌款，網民每給一個like他便捐出10元。
被巴西女郎挑逗
新歌MV故事講述一名小孩夢想成真變成大人，而一夜長大的顏福偉被性感女護士挑逗，對方更拿大針筒拮他，幸得赤裸上身的外籍男天使打救。繼而故事一轉，顏福偉變身赤裸上身的狂野紅番，跟外籍男model手拖手玩斷背山，二人又聯同美人魚玩捉迷藏，最後顏福偉更摘果樹嚐禁果。
年前顏福偉受訪時表示7、8歲時已發現自己是同志，今次MV莫非反映自己的故事？他昨在電話中笑說：「咁啱啫，好多人細個都係咁㗎啦。」提到MV又玩除衫又玩斷背，顏福偉說：「好普通料咋喎，我同導演諗啲得意嘢嚟拍，我又唔覺得好破格。有個巴西女郎，佢挑逗我，我唔鍾意，跟住我又諗緊嗰個男士。其實個男士又唔係我杯茶，佢係model，做戲之嘛。」那麼現實中杯茶又是怎樣？顏福偉說：「我都唔係鍾意呢啲型嘅，我鍾意圓形啲嘅。」
「我經常受歧視」
談到現時感情生活，顏福偉笑謂：「冇乜問題，幾好，𠵱家有個伴，前前後後都有6年㗎啦。其實我想鼓勵多啲人出櫃，何必收收埋埋咁辛苦？同時亦希望多啲人包容同性戀者，唔好歧視，因為我自己都經常受到歧視。」
採訪：魯吉
【三個粉絲去首爾】
追星實錄，即上韓劇讀： http://hk.apple.appledaily.com/kstar