琦琦、Lisa S.、童愛玲、黃婉君等一眾靚媽，昨日到尖沙嘴出席童裝店開幕剪綵。琦琦表示快將10歲的囡囡跟老公任達華一樣熱愛豹紋：「佢嚟緊嗰個10歲生日派對，都話想所有佈置都係用豹紋。」琦琦又透露囡囡身高已有1米53，而且行catwalk亦頗有天份，會否讓囡囡做model？琦琦則表示：「佢鍾意做designer。」
避談馬詩慧女同居
談到有傳好友馬詩慧（Janet）及老公王敏德不喜歡大女王曼喜有意跟女友同居，琦琦未有正面回應，只大讚Janet充滿智慧及心地善良。
此外，任達華昨晚在中環出席歐米茄設計大使慈善籌款晚宴，見他臉有些腫，他解釋說：「我噚日剛剛喺北京返嚟，今朝一起身發現塊面腫晒，又一撻撻，真係嚇親，唔知係咪因為兩地天氣太極端，所以一返到嚟唔多適應就出事，今朝一早去睇醫生，仲打咗支針，𠵱家已經冇朝早咁腫啦！」
【三個粉絲去首爾】
追星實錄，即上韓劇讀： http://hk.apple.appledaily.com/kstar