Hi，各位朋友，又係我「桃花心」呀！好耐冇同大家見面，大家最近點呀，順唔順利呀！
其實今季我已經贏過一次，嗰日雷神哥哥一出閘就猛咁騎我，嘩！我幾High呀！梗係搏命跑啦！結果一放到底過終點。返到凱旋門，個個讚我Good Boy，爽到震。
上次我又係諗住一出閘就搏命跑啦，點知雷神哥哥冇大力騎我，好似變咗第二個人咁，我當堂冇晒癮，身邊嘅馬隻隻快過我，唉！搞成咁，我梗係冇晒Mood啦！
唔知今次雷神哥哥會點呢？不過聽啲朋友講，我老細蔡約翰會響今個月發動攻勢，咦！咁我咪又有機會一出閘搏命跑囉，好！我會再一次威畀大家睇！諗起都High呀！