話說噚日有消息《反斗奇兵》會喺2017年中出第4集，其實由第一集開始，有一個真人版《反斗奇兵》已經深深咁烙印喺網民心入面。
講得真人版，梗係由真人去演飾啦。當中鄧梓峰同巴斯光年，就好似刀同叉一樣，藕斷絲連。連IP都唔使check，真人版巴斯光年仲唔係「巴斯Tony」！巴斯個老友，即係Woody呢，網民唔止心有所屬，仲有兩個人選添！第一個就係被喻為「萬能Key」嘅馬神馬德鐘，而另一個就係百變秋官鄭少秋喇！講到百變呢個字，《反斗奇兵》中有個角色都好百變！佢就係薯蛋頭先生，而喺現實中就同最近人氣急升嘅蔣志光餅印咁。計埋三眼仔、火腿、彈弓狗、索克天王等等角色，大家心目中都有種執著，如果真係拍起上嚟，真係有得諗，但講到上映日期喇喎…似乎仲唔肯定過動畫版！