陳曼娜日前在上環舉行63歲生日派對，不少圈中好友與及港視同事都有出席，當中包括夏雨、廖啟智、鮑起靜、黃美棋等等，老闆王維基更送上大束鮮花，一眾好友亦為陳曼娜送上大型Barbie蛋糕賀壽，最後壽星女即場大跳拉丁舞助興！
「留喺度打仗」
雖然免費電視牌照仍未有進展，陳曼娜亦坦言有朋友叫她回巢返大台，她說：「喺我心做咗個決定，唔會返轉頭，留喺度打呢場仗。」她還說：「舊公司做咗廿幾年，感覺係好悶好悶，當然大家都知道人工係好低好低，但係冇人相信比一個服裝姐姐仲要低，佢哋連OT（超時）仲高過我哋。」據知如陳曼娜這些資深演員，月薪只有一萬多元左右，隨時比不上月入萬八的洗碗阿姐。
「變咗冇人工」
不過陳曼娜未有透露實際人工，她又說：「一個演員好鍾意做戲，好難去轉行，但係我最接受唔到係爭人錢，以前公司制度係做唔夠都可以攞呢個錢，起碼有固定嘅生活，但係𠵱家改咗做唔夠，下一年係要還番上一年啲錢，咪變咗冇人工？」她續說：「對一個演員嚟講，為咗要還騷而要接啲行行企企嘅角色，有時連兩句對白都冇，嗰陣係好唔開心，接受唔到。」她承認當時是重金禮聘過檔港視，她直言：「王生好尊重一個演員嘅價值，喺呢度好緊守創意無限，製造認真呢個方針，我喺呢邊拍多好多未做過嘅角色，多咗好多機會。」
採訪：卓寶花
攝影：沈健程
【三個粉絲去首爾】
追星實錄，即上韓劇讀: http://hk.apple.appledaily.com/kstar