阿Sa指若然能夠溝通，她不介意發展一段相距廿多年的忘年戀，阿Sa說：「同一個80歲嘅一齊我真係唔得，如果大我好多，啱channel就OK，如果細過我但係好成熟嘅都OK，有時真係細個我會好低B㗎，真係唔得。」秋生就明讚暗踩說：「阿Sa雖然冇乜學識，但智慧高，年紀到咗某個階段會顯得成熟。」
唔一定要有親熱戲
秋生與阿Sa曾先後多次合作，作品計有《千機變》、《精武家庭》等，相對熟稔，對於若然認真需要拍親熱戲，秋生說：「唔使啦！冇咁嘅必要，我𠵱家拍戲覺得好多嘢唔係必須，我會問㗎！冇咗呢場戲係唔係唔得？如果冇咗真係唔得嘅，我一定會做俾你，但係唔係嘛，專門賣弄就係譁眾取寵，不如去盡啲，好似我以前咁，除晒佢。」阿Sa說：「我覺得真係唔需要。」
【三個粉絲去首爾】
追星實錄，即上韓劇讀: http://hk.apple.appledaily.com/kstar