踏入11月，香港天氣開始轉涼，日本都係一樣，不過分別都幾大。走入CASIO自拍神器TR系列嘅生產聖地——山形廠房，中午陽光普照差唔多有20度，但4點幾就開始日落，深夜氣溫更跌至單位數。人固然頂唔順，樹木同樣唔例外，到處都有紅葉出現。今日就搵嚟日本女模教大家selfie兼影紅葉，最新嘅第6代神器喺佢哋手上，玩法又點止自拍咁dry吖。
東洋自拍技法
最新推出的第6代自拍神器TR-50，是歷代當中最特別的一部，因為它是唯一全日本製造的TR相機！Made in Japan以往予人睇高一線的感覺，今次CASIO首度開放山形廠房給香港傳媒入內參觀，讓人對日本製造有一個全新定義。
數十個製作工序，加全機械、電腦化的製作過程，好難想像由機殼的第一口膠料噴注開始，需要6日的製作時間吧？原因是差不多每項工序，都有電眼再配合人手覆檢，以求確保每部出廠相機都是最高品質。據稱不少機器都是由CASIO自家改裝開發，部份技術亦不會外流到國外，例如能製作出有如針頭般大、在數百倍顯微鏡下才看出是塑膠齒輪的膠料噴注技術。雖然這類零件未必運用在TR-50身上，但製作工藝及準確性之高，其他東南亞生產線均無法比擬。更恐怖的是，不論製作相機或手錶，工作人員進行每項工序前，都有一個考牌制度，未獲認證便不能工作，可見有多嚴謹。
歷代最大 1/1.7吋背照CMOS
TR系列外形頗具特色，據靚仔到如平井堅的TR之父Yosuke Nagayama表示，原意是將相機簡單化，鏡頭是圓形，顯示屏是長方形，再用U形框架連結兩者，就是一部TR！不過第6代TR與別不同之處，是起用了歷代最大的感光元件，達1/1.7吋、1,200萬像素的背照式CMOS，影像品質亦是歷代最高。如針孔機的鏡頭，更是由多片鏡頭組件構成，鏡頭與CMOS之間緊密貼合，居然還能使用歷代最大的感光元件，可見其精細的造工技術，實在令人驚嘆。
CASIO其實是由計數機起家，G-Shock手錶及電子琴都非常聞名，但未必人人都知數碼相機也是由他們帶起風潮。走入CASIO東京總部的博物館FUTURERIUM，在這可以找到1995年面世的QV-10。大家咪睇佢好似磚頭咁大，原來係全球首部配置彩色屏幕的「民用」數碼相機，大家現在可以透過屏幕隨時與朋友分享數碼相片，都係因為佢咋！據知這個博物館平時不對外開放，裏頭還放有枱咁大的最早期電子計算機，以及不同年期的G-Shock手錶，絕對是電子設備愛好者的終極朝聖地。
CASIO山形廠房
試相區
全自動風景畫
用「專業進階自動模式」影風景，鏡頭下紅葉漫山遍野，一按便能自動影出油畫般的艷麗效果。
背光色準
紅葉背後便是晴空，大背光在所難免，利用自動模式拍攝相片，紅葉顏色依然鮮艷。
12+12美白效果
在美顏模式下，除了皮膚平滑度，就連膚色想要古銅還是美白同樣有12級選擇，要健康紅潤的美顏（左圖），抑或楚楚動人的稚臉，都可隨意選擇。
記者短評：自動模式有驚喜
以前總以為自拍神器係女仔先啱，隨身機仔點都要有APS-C格式，不過呢4日揸住TR-50四圍snap，令我徹底改觀！嗰個「專業進階自動模式」真係有啲雷人！微距、HDR、夜景加人像……完全自動偵測，其間從未失手！更恐怖嘅係，相片成品分分鐘比現場仲靚。不過，偶然亦有少少「油畫化」嘅粗微粒表現，不過以有相睇為大原則下，對唔少新手都係幾貼心嘅設計。
