今朝雷神為頭場五班1200米的座騎「紫電明珠」作最後試跑，出操完畢，呂健威竟然親自護送此駒返機坪，可見練者重視情切。然後這對騎練一邊望着「紫電明珠」，一邊密斟，相信話題離不開操練情況及作戰策略，傾到咁上下，威哥仲笑埋出嚟，做到咁揚，鬼唔知你哋去馬咩！
睇番今季呢對騎練嘅合作，原來跑兩隻，就贏足兩隻，有晒默契。再回顧上季649場次，該仗為四班1200米，「紫電明珠」跑第三，同場其餘前六名馬匹：「金鹿」、「勁酒王」、「自然旺家」、「笑眼光」及「威祥」，其後均有頭馬交出，足證「紫電明珠」當時上名水準高。而「紫電明珠」上仗五班同程亦跑入Q，可見近況對辦。集合以上種種條件，此駒開齋在望吧！