還記得上個月這場賽事嗎？10月12日的第九場三班1400米，賀廐「超凡夢想」閘前着啡燈落飛，由原本十幾倍打到得番4.3倍開跑，點知喺轉彎嗰陣，內側嘅「勁酒王」突然大波勾，將次熱門馬「超凡夢想」帶至最外欄遠離馬群，雙雙要拉停咁滯，結果當然係輸晒返嚟，而落飛黨約350萬注碼就咁泡湯啦！
今次賽事，「超凡夢想」報番同班同程，幕後擺明心有不甘，想來個大平反。睇番隻馬前仗跑1200米時，已覺得欠缺加速力，可見增程屬合理之舉。而由上仗初跑1400米都有勁票數支持，便知有些人對「超凡夢想」跑1400米甚具信心。再者「超凡夢想」同主馬「同個夢想」上次日賽有頭馬交出，反映馬主馬運番晒嚟，配上現時騎師榜一哥莫雷拉，相信必會拼個明白。