【彭順傷李心之有緣再會】李悅彤（Liddy）今年5月被爆做第三者搭上彭順，之後又被揭父親李德仁是啟晴邨槍擊案中的自殺槍手，備受雙重打擊。當日傳聞不絕，一時說她逼彭順離婚，一時說彭順為她租物業。日前Liddy接受有線訪問時踢爆當時彭順其實對她不聞不問：「當第一件事出現時，佢頭都唔回咁走啦！到發生第二件事，佢一個慰問都冇，咁我搵佢做乜？」
節目名為《Liddy李悅彤一生中錯愛》，無可避免被問及李心潔，問如果將來兩人合作，可會介意？她說：「冇問題，成件事大家可以算話係一個緣份。既然今生人生咁短暫都有緣份，都可以所謂碰頭，咁做乜唔珍惜啫？我唔知第時會唔會見番你。」回應似是向心潔挑機。
Liddy昨日接受本報電話訪問時直認感到無奈，她透露自己信佛，將一切事看得淡然，她說：「大家幻想空間實在太多，其實我出發點好簡單，始終我經歷過冇咗親人呢件事，我會覺得親情同人都係好脆弱，我會好珍惜人生在世所有嘢，無論所有嘢我都會好珍惜。我唔知自己會唔會聽日就死咗，因為計算唔到，所以先會活在當下，珍惜身邊所有嘢同抱感恩心態。」
或轉行搞小生意
Liddy在訪問中自爆曾割脈自殺，幸家人及時制止，如今Liddy已重新出發，她表示將為有線拍旅遊特輯，她說：「工作都要睇機緣，呢行做到就做，做唔到都冇所謂，到時可能自己搞小生意。」
採訪：嵐山
【三個粉絲去首爾】
追星實錄，即上韓劇讀： http://hk.apple.appledaily.com/kstar