【本報訊】香河越南餐廳結業消息傳來，令一眾食客深感可惜，由牽着女友拍拖來吃，至變成恩愛夫妻的「星屑醫生」歐陽英傑昨慨嘆，香河結業香港又少了一個集體回憶，少了一處充滿歡樂時光的老地方。
「銅鑼灣區嚟講算平」
歐陽英傑指，八年前由當時女朋友帶他到香河，一直吃到現在，「女朋友都變咗我太太」。太太是香河忠實粉絲，喜歡餐廳的生熟牛肉河，以及一年四季也必點的綠豆冰。他自己最愛牛柳粒紅飯，「牛柳好有口感，特別係啲飯，一般啲炒飯好硬，但呢度紅飯加上番茄，好鮮味」。他續稱，另一至愛是越南咖啡，「我一向唔飲得咖啡，一飲個心會跳得好犀利。呢間係我其中一間飲咗個心唔會亂跳」。
他又稱，該店售價大眾化，平均消費約100元，「銅鑼灣區嚟講算平，一般人均消費要200蚊；我有時搭的士嚟食」。結業消息傳來，他大感可惜，近年波斯富街的店舖被加租，經常轉手，「我見香河一直無事，以前以為佢係自己舖，點知逃唔過加租結業命運。」他語帶欷歔說。