周日田草賽事用C加3欄，睇番最近10月1日同一移欄賽事，內檔優勢甚大，過半數頭馬排四檔或以內起步，外檔馬要像「有醒」及「桃花心」般夠快搶出切入才能克服劣勢。至於跑法方面，由於跑道狹窄，前置馬稍佔優，如「神奇小子」、「有醒」及「桃花心」都係擺前帶到，而居中後上馬之「正藍旗」及「津津樂道」亦要貼欄慳位才夠爭，走外叠好蝕底。
今戰列陣馬，四場「好事必得」上仗正是於10月1日田C加3欄贏馬，勝後等番同一移欄先再跑，抽得四檔好位，有力再下一城。另外，六場「有醒」跑田C加3欄一次即勝，亦係全場唯一贏過此移欄之參戰馬，憑住較佳嘅場地性能可贏今季第二W。