姚本輝馬房的「寶正寶」為尾場二班1600米的第一後備馬，今朝此駒由副練鍾占祺操練期間，突然發狂亂跑，最後更走到馬房。但別以為「寶正寶」咁醒，識得自己返屋企，原來佢係走到了沈集成馬房，即是返錯人哋屋企咋。而最後「寶正寶」則由鍾占祺捉回，幸好人馬都冇事。「寶正寶」之前喺香港跑過兩場，但都未有表現，如果今次補出的話，不知會否如今早般再盪失路，去了另一個終點呢？