「認識她，讓我更加深信，女人的美麗與價值，不是來自衣服背面標籤標示的品牌或價格」。就咁睇，係唔係好似宅男觀音兵迷上女神，然後公開示愛嘅肉麻自白？勢估唔到，原來係台灣學運女神吳岱儒對香港學運女神何潔泓（Willis）嘅真情致敬。
台灣今年3月爆發太陽花學運，成功推翻被指係出賣台灣本土利益嘅服貿協議，當時喺香港留學嘅台灣女生吳岱儒發起連串隔岸聲援行動，廣受傳媒報道。Willis當時係學聯秘書長，太陽花學運期間曾聯同吳岱儒等留港台生組成「守護台灣青年陣線」，發起過千人遊行聲援反服貿運動。吳岱儒喺facebook大讚Willis「在三月學運結識她，她是第一個答應我要幫忙籌辦遊行的香港人。共識後覺得這個女孩很不簡單，不只是個熱血追求民主正義的公民」。