大學畢業禮搵猛人撐場是常識，科技大學繼上年向阿里巴巴創辦人馬雲頒發工商管理學榮譽博士，今年又搵嚟著名風險投資公司紅杉資本（Sequoia Capital）主席Michael Moritz主講畢業禮致辭，並向佢頒發文學榮譽博士。
今年60歲嘅Moritz唔單止係威爾斯首富，仲係風險投資界嘅教父級人馬，先後投資過唔少國際科網公司，包括Google、YouTube、雅虎、WhatsApp、Dropbox等等，連阿里巴巴、京東、新浪等等中國公司，都係佢有份嘅項目。Moritz眼光獨到，有份投資嘅公司市值，𠵱家已經佔納指交易所總市逾超過20%。
除咗投資，Moritz亦係一名熱心公益嘅慈善家，喺《慈善紀事報》嘅美國大慈家排行榜排第13位，又簽署由Bill Gates、畢菲特發起嘅「捐贈誓言」，承諾捐出至少一半財富。