有36F巨咪、玩拱橋頂波同一字馬絕技成名嘅彭丹,近年將重心轉移番內地,唔單止升呢做咗導演,仲由三級艷星變政客,上年做埋甘肅省政協委員,今時唔同往日嘅彭丹,估唔到連個樣都變晒。
表情似木頭公仔
噚日彭丹喺微博貼出席「2014中美電影節」嘅相片,V煞面、間尺鼻、飽滿嘅額頭同雙頰,竟然激似同樣進化得面目全非嘅葉翠翠,內地網民就話彭丹似李小璐,總之彭丹已經唔似彭丹了!
好在,彭丹嘅36F咪咪仍然力保不失,着咗谷胸貼身魚尾裙嘅佢,輕易夾出澎湃嘅湯碗胸,大家就算認唔到彭丹嘅樣,依然可以認到佢嘅胸!滿身鑽飾打扮得雍容華貴嘅彭丹,笑容又膠又硬,表情好似唔受控制咁,似足木頭公仔。
至於翠翠,近年亦進化成功越變越靚,由未入行前嘅扁口扁鼻、pizza面,激變港姐冠軍,有口痕網友仲嘲笑翠翠可以做黃夏蕙嘅接班人㖭,認真抵死。
撰文:馮仁昭
【三個粉絲去首爾】
追星實錄,即上韓劇讀: http://hk.apple.appledaily.com/kstar