呢個世界，三嚿水可以做乜？買波鞋！發夢。食餐好！好mun。不過只要識窿路，三嚿水都有好嘢食。時代廣場的雲陽，前身係尖沙咀川菜老字號雲陽閣，變young未夠一年，就獲2015港澳米芝蓮指南車胎人推介，為慶祝獲獎，推出米芝蓮車胎人美食推介品嚐餐單，總廚陳啟德親自設計，網羅該店名菜，包括燈影牛肉、八味豆腦、豆酥桂魚、大刀金絲麵等，頭盤主菜甜品共八道菜，每位$298。燈影牛肉刀章精湛，薄如豬肉紙，蘸上麻辣醬汁，爽。八味豆腦，用台灣有機黃豆造，配花椒、辣椒、蒜茸、紅油、葱花、黑醋等，八味紛陳，超好吃。豆酥桂魚酥香細滑，大刀金絲麵幼若髮絲，配金腿熬的湯，吃得過癮。
地址
銅鑼灣勿地臣街1號時代廣場10樓1001B號舖
譚偉健
飲食記者，天生為食，愛講爛gag。愛吃唔愛做，但唔做冇錢吃，惟有邊做邊吃。