喂，每當香港秋風起，正是布吉旅遊時，上網睇睇布吉今年有乜新 resort，卻發現呢個小島又有新玩意，今次唔係玩水，而係衝上雲霄。
呢架外形幾sharp醒，鮮黃色機身貌似直昇機的其實是直昇機與飛機的混合機，名為 Gyrocopter，是曾獲 2012 Red Dot Design Award 及 2014 German Design Award 的新發明，操作比一般直昇機或飛機容易得多，入滿一缸油可以飛行 5 小時，橫越 650 公里，足夠環遊布吉附近的攀牙灣、安達曼海，以至蘇梅等附近島嶼。
講到好似可以自己咁款，你無聽錯，的確係可以！由於Gyrocopter 容易操作，該公司目標是希望訓練更多人學識操控呢架機器自由自在翱翔天際，於是開班授徒，二千幾蚊已可報名上堂考取 Ultra-light pilot license，相當抵玩。想齋玩或試試飛行感覺，亦可參加 trial flight，試飛兼從高空俯瞰布吉風景一樣過癮。
By The Air
網址： http://www.facebook.com/bytheair
記者：曾冠輝