聖誕節早就唔係聖誕老人同聖誕鹿嘅天下，怕且都冇乜年輕人仲會喺屋企等禮物。北京八十後藝術家陳天灼就覺得，現代聖誕節不外乎狂歡同消費，喺今個聖誕，佢首次嚟香港展出個人作品，展覽主角係形象前衞嘅「WAWADOLL」，呢位紮孖辮嘅細路女，一睇就知唔係傳統卡通公仔，口中噴出兩束火燄，表達聖誕節嘅狂熱氣氛；佢仲有超能力，可以向宇宙發射訊號，再經由月球表面折射返地球，透過咁異想天開嘅設定，天灼希望大眾反思聖誕嘅意義。
WAWADOLL「真人版」前排快閃去中環同尖沙嘴，𠱁得大家好開心，「膠版」已經開始喺K-11廣場展出，稍後仲會有煙霧、燈光效果同Shadow Play remix版聖誕歌，同粉絲一齊狂歡。