巴西球星普遍都爛滾，其中肥哨同卡路士一齊效力皇馬嗰陣，聽講都成日約埋一大班女開性派對；而細哨同阿祖安奴都係日滾夜滾，仲滾到腳都軟埋，結果唔夠30歲就冇能力再喺歐洲頂級聯賽立足。爛滾冇犯法，只要唔係販毒同殺人，其實都冇乜問題，偏偏阿祖就衰埋呢瓣。事緣佢買咗部電單車送畀一個佢認識嘅毒犯，點知對方用部車嚟販毒，結果佢被指係同黨。若然證實呢位32歲嘅前國腳真係嗰班毒犯嘅一分子，有可能被判入獄10年。雖然有關當局冇正式拘捕佢，但就要佢交出護照，以防佢潛離巴西。話時話，如果阿祖有心着草，梗係從非法途徑走人啦，例如係坐大飛，所以咁做真係多餘到爆。
識睇，一定係睇足英台【英波Live】：
http://soccer.appledaily.com
http://bit.ly/engballlive