燦神家陣搞緊有機農業，而且仲有聲有色，徐緣就好奇問燦神︰「係咪以前唔識架？做呢樣嘢先走去學？」Tanya都覺得燦神嘅人生比較飄忽不定︰「有啲人嘅人生可能比較穩定，一直都係做同一樣嘢，但你嗰種就係，不停咁轉行…」燦神就好感慨咁講︰「我咩都唔識，冇人一出嚟就識嘢o架！其實人生係一個學習過程，到死嗰日都係學習緊，你永遠唔會學晒全部嘢！」有人話燦神人生大起大落，小編就話，咁嘅人生先多嘢學！今晚11:00《亂噏24》足本版，逆境自強頂硬上！