現年53歲的徐錦江，差不多有十年沒拍港片長居北京，近日復出接拍孫立基導演的電影《壹獄壹世界：高登闊少踎監日記》，戲中再次重演《監獄風雲II逃犯》的人物獄長鬼見愁。
同黃光亮再合作
徐錦江昨日上午由太太陪同到筲箕灣為《壹》片首日開工，同場還有早前在街拍裸跑戲的王宗堯。徐錦江接受訪問時表示，因為有抑鬱症所以近年暫停工作：「都有十年冇拍戲，係早年客串過王家衛套《一代宗師》，今次算係正式復出。因為早年拍戲壓力大所以有咗抑鬱病，之後同太太返咗北京住。」
本身讀美術出身的徐錦江，近兩年以畫畫來享受人生，他說：「今次拍番戲，個角色好似之前喺《監獄風雲II》裏面做嘅鬼見愁，今次叫鬼王，做過《監獄風雲》嘅黃光亮都有份做，不過今日冇佢戲。」
王宗堯呻親熱攰
另外，早前為《壹》片當街裸跑，扮演入獄富家子的王宗堯昨日都在場，他表示雖然未跟徐錦江合作過，但當然聽過他的名字，他說：「佢咁出名冇人唔識，今日講我入冊所以一陣要剪短頭髮。」戲中他會跟崔碧珈、林芊妤及Ashina有不少親熱戲，不過他自言無福消受：「真係好攰，我終於明向西仔張建聲點解話上次拍《一路向西》好攰，原來拍艷情戲份真係好辛苦。」
採訪：溫敏芝
攝影：陳順禎
【三個粉絲去首爾】
追星實錄，即上韓劇讀： http://hk.apple.appledaily.com/kstar