無綫新聞部最近風波不斷，早前負責報道七警暗角「拳打腳踢」曾健超的助理採訪主任何永康，被調任首席資料搜集員，記協質疑涉秋後算賬。而無綫300多名現職及前員工，聯署要求公司管理層對暴力說不、保障前線員工安全等，卻被無綫高層余詠珊視為「反公司」。前無綫主播方健儀和趙海珠昨日在金鐘出席活動均表示有留意事件，但卻不願多談，同場還有黃泳霖及利豐後人Antonia Li等出席。
關心何永康情況
剛離職ICAC的方健儀表態支持前同事（主播）聯署的決定，但可能是怕仍任職無綫新聞工程部的老公洪楚恆受影響，說話相當謹慎：「面對示威者嘅反應，我係有親歷過，不過離開咗公司兩、三年，𠵱家公司發展掌握得唔清楚，同埋老公仲喺TVB做緊，作為家人明白佢辛苦。」老公和舊同事可有壓力？她說：「暫時都冇乜，佢都係後勤人員，前線記者就未掌握到。」她表示如有機會見到何永康，會關心對方情況。問可否覺得簽聯署信的同事好勇敢？她說：「其實我都唔係好知道係乜嘢誘發出嚟，總有個理由㗎，我好支持佢哋工作嘅熱誠。」
稍後方健儀將到中大兼任教新聞系公關其中一科，又會去DBC電台做phone-in節目，到時可會發表更多個人意見？她說：「我諗都要有自己睇法，phone-in節目唔係接線生，但會盡量中立，唔可以偏頗。」
「唔知𠵱家點運作」
做全職媽媽的趙海珠透露快將兩歲大的兒子好活躍，對聯署事件，她說：「我冇參與或加入，但見到舊同事會傾吓。」對余詠珊指受薪不應該監察公司，她說：「我唔評論，因為我離開咗好耐，06年已經走咗，唔知𠵱家點運作，以前乜嘢都唔識，fresh graduate老闆叫做乜就做乜。」她亦不評論簽聯署信的人是否好勇敢，表現避忌。
採訪、攝影：盧坤穎
【三個粉絲去首爾】
追星實錄，即上韓劇讀： http://hk.apple.appledaily.com/kstar