蘇永康、馬詩慧、任達華和太太琦琦等藝人前晚在金鐘香格里拉酒店出席一個雜誌晚宴暨頒獎禮，潮媽馬詩慧前衞大膽，黑色透視恤衫真胸露乳貼上陣。蘇永康婚期定於下月2日，在頒獎禮上被問到婚禮事宜，他表示婚禮由未來老婆馮翠珊全權負責，預算是無上限。
安仔Sammi兩張帖
蘇永康大讚未婚妻能幹，他說：「自己冇乜參與，都係老婆負責，自己負責畀錢。我2006年3月23日識佢，到今日結婚，唔係仲計錢嘛？唔啱數，所以都冇set budget。太太家族係大嘅，都想畀個好嘅婚禮佢，最緊要兩邊家人都開心，總之負擔得到就得啦，買少啲衫就得。」
蘇永康被問到發帖給兄弟許志安會怎樣寫，他笑說：「分開囉，許志安同鄭秀文一人一張，我諗住收兩份人情嘛，我哋呢啲數計得好爆㗎！」
任達華擬韓國置業
此外，任達華多年來投資經驗豐富，在世界各地買屋買地，盛傳他有5億身家，華哥說：「我對生意冇乜興趣，又好鍾意占士甸，好想好似佢咁自由自在，所以都係買啲磚頭，最緊要都係安居樂業，留番畀個小朋友，好似去到英國、新加坡呢啲地方，可以唔使攞錢，收吓租俾太太血拼。」
早年華哥已為愛女達成夢想，他說：「幾年前阿女話好想喺水入面有間屋，可以直接行入個海度，所以我都有間屋喺水入面。」近年韓風起，琦琦表示女兒喜歡到韓國滑雪，所以他們會考慮到韓國置業投資。
採訪：盧妹
攝影：沈健程
【三個粉絲去首爾】
追星實錄，即上韓劇讀： http://hk.apple.appledaily.com/kstar