有新血，自然就要換血。 學余詠珊話齋：「每年cut 5%人，然後請番5%新人，喺我心目中唔係裁員，而係更新。」其實換血呢樣嘢，幕前幕後高層低層都難免嘅……
頭先講到話，昨日有報道指，無綫出動到7千蚊月薪，邀應屆港姐簽7年約；報道仲話，因為第二年港姐卸任後會有騷接有劇開，有騷錢收 ，故屆時7千蚊底薪或需再下調喇。
條件「好」到咁，自然令一眾落選港姐卻步；就連民間港姐、三甲大熱倒灶嘅吳凱欣都零興趣，報道指亞軍王卓淇同樣冇諗住簽……咦，冠軍邵珮詩呢？嗌人包容嗰個呢…
報道指，邵珮詩2012年參加溫哥華華裔小姐競選奪亞軍，仲拎埋本屆港姐冠軍，當時已經有傳其「後台」硬，0依家更有傳言謂，邵珮詩已經疊埋心水簽無綫，有望 可以做到同樣外地歸來嘅陳茵媺同鍾嘉欣咁，可以做到一姐。
無綫亦的確對邵珮詩不薄，都未卸任，已經安排佢上J2節目做嘉賓，嚟緊仲會有機會主持《東張西望》。 而本來主持緊《東張》嘅陳倩揚，本來下月先至放產假，但係突然收到通知，公司叫佢今個月即放，唔知係咪俾個機會邵珮詩training喇；而咁啱陳倩揚日前就於微博寫道:「短期內最後一次同大家《東張西望》啦！預產期係明年一月就當呢個『『提早』』嘅產假係Bonus專心一意湊羲廷同為我嘅大計努力 ！你哋會掛住我嗎？」
翌日陳倩揚再於微博寫道:「說真的，其實昨天是突然有點點情緒低落，不過，女生都總易找到開心的理由：例如買東西買很多很多東西……」唔通係因為突然「 被放假」而感失落？