要講呢期商界嘅大紅人，王維基可算係當之無愧。電視又就來開台，下一步就會開始網購宣傳。
記得之前本欄潑過維基冷水，覺得香港搞網購唔work。不過自從香港電視（1137）上周公佈同馬來西亞Astro Shaw合作，於東南亞、新西蘭、澳洲播放及分銷港視粵語劇集，突然就覺得自己視野太窄。維基商場嘅野心，可能唔只係香港市場，而係全世界。
自從電商出現後，零售業已開始變天。大家唔止要同本土同業鬥，仲要同其他國家嘅電商廝殺。冇錯本地零售競爭係大咗，但反過來講，只要識得搞，商機可以係來自全世界。
而家新一代嘅消費模式，已越來越習慣網購，加埋大數據嘅運用，更加容易刺激消費。事實上，外國已經係講緊憑你嘅消費習慣，預測你要買乜產品，然後預早送定去你屋企最近嘅貨倉。當你落order，就即刻出貨，加埋個人化購物建議，用戶體驗提升，令網購市場個餅更大。
而家所有搞startup嘅人，都知香港市場太細，要sell到投資者，一定要think global。
假設港視劇集可以喺外國紅到，而佢又有吸引外國網購客嘅部署，間公司長線發展潛力可以無限大。
Fifi
http://www.facebook.com/lovefrystock
本欄逢周二、四刊出