杜汶澤和黃秋生連日來分別就佔領行動積極表態，最近阿澤更因為轉發黃秋生撐學生反暴力言論，令雙方關係修好，但兩人同時因支持佔中而導致與王晶沒朋友做。日前本報報道指在邱禮濤的撮合下，將會破冰合作拍電影，黃秋生前晚在銅鑼灣出席電影《大茶飯》的首映，提到今次與阿澤合作，秋生說：「我就打過電話畀邱禮濤，佢話十劃都未有一撇。大家拍戲啫，開到古仔OK，工作上睇唔到有乜嘢，同人做戲啫，又唔係同人做老友，佢不至於乞我憎乞到咁，有人更乞我憎。」不過秋生未有透露這個人身份，只說：「心知啦，點可以講，邊個投名狀咪邊個！」
證明冇發表蝗蟲論
對於網上有人造謠散佈稱秋生曾在網上發表「蝗蟲論」，秋生表示已經找到造謠人士並說：「一個香港人，一個內地人，而內地微博已經被封，香港嗰位fb同微博都被封，如果公司搵到佢哋係會有法律行動。」他再三澄清沒有講過「蝗蟲論」：「話我話人蝗蟲，我幾時有咁講過，嗰句說話係我兩年前話平機會，當時批評佢哋唔好再咁落去，俾人覺得呢句說話扭曲咗，𠵱家還我一個公道。」秋生隨即拿出手機展示畫面，指網民覆蓋了他的言論：「內地亦發信畀有關當局，證明唔係我嘅言論被封殺，不過近日自己啲新聞都有啲影響，但係𠵱家澄清咗件事。」
阿Sa不會再瞞婚
今個月21和22日分別是陳偉霆（William）及蔡卓妍（阿Sa）的生日，問到阿Sa與男友會怎樣慶祝？她說：「William喺內地拍劇，仲未plan點過，如果要一齊過就難啲，已經買咗禮物，唔講得係乜嘢！」笑問男友可能送求婚戒給她？阿Sa說：「唔好喎，我想工作先。」
不過阿Sa昨日在微博留言：「救命啊！哎喲……是我表達能力差？還是其他人理解能力有問題？工作時工作……感情事希望保持低調！真的不希望每次有作品……大家最後又只關注我的感情生活去！最後說一次：我的感情生活一直都十分美滿！沒有變化！沒有結婚！如果結婚，這次肯定跟大家說！」
採訪：卓寶花
攝影：陳慧安
【三個粉絲去首爾】
追星實錄，即上韓劇讀： http://hk.apple.appledaily.com/kstar