雨傘運動發展超過一個月，聽見好多人話，朋友與家人之間，因為對兩傘運動持有不同意見而unfriend對方，估唔到76歲嘅股壇老行尊張天生對呢件事都有啲避忌，每當遇到有客人問佢點睇雨傘運動，佢都會先問對方睇法，了解對方屬於支持還是反對陣營，先至就住對方嘅睇法去講，費事得失多年老友記。
張天生噚日跟華華食晏時講，一路跟住佢嘅客人，都已經七、八十歲，真係屬於老友記，佢唔想因為雨傘運動呢個話題而傷感情，惟有就住講，免得被人unfriend喇。
財經界入面，後生一輩對張天生可能認識唔深，現時證券業界有9大商會，其中一個有35年歷史嘅香港證券業協會，張天生就有份創立，現任永遠榮譽會長，協會一班會員噚晚亦低調慶祝成立35周年。