有「鞋王」之稱的Le Saunda老闆李子彬，其家族在近年養咗唔少馬，而佢新抱李皓玲個人名下就有四匹馬。其中「兵威振」連同外地在內，一共跑過六場，結果贏到五場。上鋪「兵威振」跑1000米三級賽國慶盃，由於孭輕磅兼跑首本路程，結果成為僅次於「崇山寶」的次熱，不過「兵威振」跑到了中後段便墮退，最後仲包大尾。其實「兵威振」在該仗之前除咗唔識輸外，亦係全港一眾現役馬中，曾造出直路1000米最快時間的賽駒，所以佢跑包尾，令唔少人擔心佢跑唔番。不過睇完呢朝「兵威振」試大閘後，應可釋除大家的疑慮，事關隻馬表現輕鬆，隨隨便便就贏出大閘，同佢弗開嗰陣一樣，且看「兵威振」下次上陣時能否再次獲勝。