傘開後，市面散發正能量，卻仍然見到周融獻世，口舌更毒，抽南韓世越號沉船大海難死難者的水！祝他沒頂！
傘前鍾意搭地鐵。傘後，刻意增加打的量，遇到的都是默默耕耘的司機大佬，只有一個車頭擺放五部手機不停接柯打的八折黨，塞住車鬧佔中。祝他路路仆街！
煩厭滿街奶粉藥房，這兩年疏遠銅旺兩區。傘開後，特意撐小店。在貼了mini獅子山黃幡的平民店開餐，份外感動。隔籬街那間×記炒蟹店拍晒烏蠅，祝那個核凸老闆生不如死，日日摟住蟹腳自炒！
美酒節，生意額比預期好N倍，政府老屈佔鐘又一次中伏！特首辦和高級公僕，死賴在添美道博乜呢，冇樽裝水飲會死的行政高層，搬竇去郵輪碼頭啦。祝狼落船，翻艇go home！
一個多月了，唔怕150萬篤出來的簽名，但怕大媽始終有一天，像狼口中的催淚彈，一定會放，獅子山改名做私煙山，祝香港BB！玩完！