雖然前財爺梁錦松呢期又再活躍政壇，但唔係個個有慧眼識呢位紅人！阿松噚日出席電視製片人蕭潮順搞嘅有聲書《好聲》發佈會，同場除咗佢，仲有民政事務局副局長許曉暉算係政界中人。
蕭潮順解構佢呢本書理念時提到，好多謝許曉暉畀咗肯定兼答應向社福機構推介呢本書；之後許曉暉禮尚往來，大讚本書充滿正能量，然後抽佔領行動水，話相信本書有助解決現代人溝通時所缺乏嘅「聆聽」喎。
講嚟講去，都冇話多謝阿松喎，而查實喺呢個時候，阿松已經無聲無息咁走咗，匆匆來匆匆去，不留下半點回應記者嘅神采；成場儼如大茄，點估到會輸畀許曉暉㗎啫？