蘋果行政總裁（CEO）庫克上周四出櫃，大家即刻周圍八卦佢嘅愛人是誰，咁啱兩日之後（11月1日）係庫克54歲生日，大家當然更想知佢同邊位過生日喇，點知佢當日被人發現一個人過lonely birthday，得部iPad陪佢去超市掃貨咋。
庫克雖然係市值最大嘅上市美企CEO，但生活非常平民化。上周六牛一，就被人影到佢一身輕便運動裝去連鎖超市Whole Foods買日常用品同埋洗車。等緊洗車嘅時候，佢攞部iPad出嚟，望真啲，仲唔係最新iPad Air 2。翌日佢繼續着住運動裝出門，真係唔夠眼利都認唔出佢。
庫克平時真係低調，果粉最關注係佢幾時發佈蘋果新產品，直至上星期四，佢撰文出櫃先至引起大家嘅八卦心理，好想知佢愛人係點，𠵱家被人發現佢一個人過生日，唔通佢仲搵緊？還是收得好埋呢？