自由黨前黨魁田北俊因為要求特首狼振英考慮辭職，因此俾中央搣走全國政協委員一職，唔少政界中人都覺得，呢種對付敵人嘅小動作，狼振英一定有份。狼振英噚日喺行會開會前，都俾傳媒問到田少被搣柴，佢話喎，有關田少被撤職嘅決定，係中央嘅決定嚟㗎，佢自己都係事後先知之嘛。至於田少叫佢同各黨派包括泛民多啲溝通，明明鍾意對異見政黨玩杯葛嘅狼英，竟然厚顏話自己好重視同各黨派嘅關係，仲話大家都睇到過去兩年，當佢哋、即係特區政府聽到任何批評嘅時候，都係虛心聽意見，基本上都係「唔還口」喎。哦，可能狼英將佢盛傳愛做嘅篤背脊，歸類為「還手」而唔係「還口」咯！