狼英話喎，體育界同宗教界呢，喺經濟上無乜貢獻，呢番話得罪唔少教友，各個宗教陸續回應，其中孔教學院院長湯恩佳就話，如何評價狼英呢番言論，「甚為敏感，本院（孔教學院）不便回答」，但繼而又指：「孔夫子有云：『和為貴、求同存異』。」換言之即係和稀泥啦！八方都明嘅，狼英9月先啱啱訂立「孔聖誕日」，疑似還選舉債，孔教若然咁快就向狼英開炮，唔係咁好囉！
但最趣怪嘅回應莫過於道教。香港道教聯合會主席梁德華話，對狼英嘅說話冇特別反感同埋不妥，認為狼英冇扼殺宗教嘅貢獻，而「貢獻」有唔同形式，宗教嘅貢獻主要喺品德、人性同修行，「是否涉及經濟也可見仁見智」。道教仲看透世情點醒大家：「宗教在選委（會）的席位決定，不是梁先生的權限之內。」