平時搭車又搭船，你喺度做緊咩？時下年輕人一定係做低頭族，好多女仔仲好鍾意玩下自拍添。近日網上就瘋傳一張相，正正係一名外籍人士喺飛機上面嘅自拍照。不過正所謂魔鬼在細節，有好多網民就一眼認出，外籍男子身後驚現Angelababy！仲要係變咗身做神級睡寶寶(流晒口水)嘅Angelababy！有冇咁嘅可能呀？嗱！我既唔係Angelababy心入面條蟲，又唔係揸機影相嗰個，我只會加上「懷疑」同「疑似」字眼。只不過，喺嗰名署外籍男子嘅instagram裡面，我哋發覺佢好鍾意玩自拍，但自拍重點並不在佢自己，而係佢身後嘅人！
其實呢排Angelababy忙於拍攝內地版《Running Man》，佢已經將「形象」兩個字放低咗好耐，誓將「歡樂」兩個字帶給觀眾。因此，如果工作極忙之下，Baby變身神級睡寶寶，係唔出奇嘅！同時間，如果呢個真係Baby，有粉絲讚佢睡姿好萌，亦都唔會出奇囉！
【三個粉絲去首爾】
追星實錄，即上韓劇讀: http://hk.apple.appledaily.com/kstar