美酒佳餚巡禮今年爆晒場，最後一晚仲有喜事，有人喺大舞台求婚。八方前晚喺舞台前欣賞歌手林奕匡唱歌，司儀突然話有特別節目，之後就有位男士出嚟唱情歌。呢個時候台下就企咗一位馬尾妹，甜絲絲咁笑，佢就係女主角。之後位男士攞咗個咪落台大聲求婚，喺馬尾妹前又跪又送花，女方想唔應承都唔得啦，兩人仲喺大批市民要求下錫錫，全場當然拍曬手。但有口痕友話：「個男仔知自己要上台唱，點解唔練吓唱歌先呀？」
點解大會咁好借場畀位男士求婚？原來嗰個女仔係主辦單位旅發局員工。今年巡禮突然移師啟德，搞到班員工踢晒腳，旅發局咁識do，都算畀番少少甜頭員工。