適逢Snoopy《花生漫畫》65周年，近百隻Snoopy連同5兄弟姊妹會嚟香港過聖誕。apm今年聖誕豪花2,300萬宣傳推廣，喺商場打造Snoopy5大夢幻聖誕主題區；經典紅磚屋設計嘅「Snoopy兄弟姐妹聖誕大宅」，除Charlie Brown、Woodstock一眾老友，日版兄弟姊妹都首度出巡作大型展覽，展期為11月17號至明年1月4號。
其餘主題區包括30呎Snoopy聖誕樹、近百Snoopy換上聖誕裝散落喺商場各處，當中有25隻象徵50至90年代經典形象嘅Snoopy；同場加演「Snoopy in Fashion」，20對絕版Snoopy同妹妹Belle，着上名牌時裝示人。Snoopy仲會組成愛心車隊，落區探訪基層小朋友送上祝福。