【本報訊】23位泛民立法會議員決定杯葛與梁振英就施政報告會面，改而向政務司司長林鄭月娥和財政司司長曾俊華提交聯合綱領建議。泛民指出，梁振英已經失去政治認受性管治香港，再與他討論施政只是浪費時間。泛民早前曾經去信要求聯袂與梁會面，以便提出「梁振英下台」訴求，不過遭對方拒絕。
特首辦上月中邀請泛民政黨就施政報告分批與梁振英會面，不過泛民回覆指出，希望23位泛民議員一起與梁會面，以便提出「共同意見」，但特首辦拒絕，要求分批接見。泛民昨召開記者會，宣佈杯葛會面。
飯盒會召集人梁家傑說：「梁振英𠵱家最功德無量嘅唔係施政，而係下台。」他指23位泛民欲一起赴會，因為訴求只有一項，「就係叫佢下台」。他強調：「既然你（梁）唔肯見我哋、（唔）畀我哋講一個咁簡單嘅訊息，我哋索性唔見你。」
聯合綱領交林鄭曾俊華
不過泛民不會放棄把明年初公佈的施政報告和財政預算案提議交給政府，會把施政的聯合綱領，分別提交給林鄭月娥和曾俊華。
民主黨單仲偕表示，梁振英已是「涉黑」、誠信破產、迴避立法會質詢的特首，挑動社會矛盾，加速社會分化，「佢已經冇能力、冇誠信管治香港，我哋覺得佢唔係一個合適特首人選，唔值得我哋同佢論施政。事實上，過去兩年，佢冇乜嘢能夠成功落實，只有佢辭職，先至可以解決危機」。
工黨李卓人指出，梁振英猶如人肉炸彈，製造很多政治危機：「佢去親邊度好似想攬住人哋引爆，佢製造政改炸彈、佢自己有關UGL事件嘅貪腐炸彈，至今唔交代，𠵱家佔領行動嘅炸彈又唔拆，最近仲攬住月入萬四蚊以下嘅人，話佢哋有得提名會令政策傾斜，又話宗教界、體育界冇經濟貢獻……佢最有建設性嘅做法，就係快啲炸咗自己，盡快下台。」
街工梁耀忠更指，經常講大話的梁早前更否認曾發表歧視窮人的14K論，「佢係冇講過萬四蚊，但係佢有講過月入1,800蚊美金，唔應該享有提名權」。
林鄭月娥近日相約建制派議員討論何時展開第二輪政改諮詢，而已經表明杯葛人大框架下第二輪政改諮詢的泛民，則去信林鄭邀約討論她承諾的「民情報告」和「多方平台」詳情及具體操作，以解決當前困局。