【雨傘革命 第37天】
【本報訊】「你好！我哋係學生，想同你傾吓偈！」旺角佔領文宣隊的學生，與梁振英不同，他們真正拿着一支筆，一本簿，每晚落區洗樓，撐上奶路臣街、新填地街八層高的唐樓㩒鐘、拍門，了解佔旺對街坊影響、解釋佔中理念，尋找對話空間。洗樓途中，他們遇見有支持佔領者失業而變成反對者，文宣隊惟有努力解釋，一人一票，如何能令到政府改善民生。
記者：譚靜雯 馬志剛
旺角佔領區有學生、地盤佬、家庭主婦、自由行，還有MK仔；一個多月以來藍絲、綠絲、紅絲都來挑釁，警方每日都指旺角是高危地區，嚇怕街坊。
兩人一隊 逐家拍門傾偈
佔領滿月，旺角轉趨平靜，留守者暫時有喘息空間，但雨傘運動陷入僵局，部份人對前路感到迷茫。大專政改關注組及學聯在上月28日成立「旺角佔領文宣隊」，招募學生加入，透過擺街站、洗樓及派宣傳單張，向反佔中或中立的街坊等解釋佔領運動理念。
成立以來，文宣隊成員暫時只有10多人，仍招募學生加入，他們每晚兩人一小隊，拿着一支筆，一本簿，走訪旺角的大廈、舊樓，上門拍門，與街坊解釋佔中理念，了解佔旺對街坊的影響。「你好！我哋係學生，想同你傾吓偈！」10個街坊當中，有8個一開門就罵「阻住條路，快啲走啦，快啲返學校讀書啦」。偶爾遇上同路人、偶爾摸門釘，甚至遇反佔中者臭罵。
港大社工系Johannie是文宣隊的成員之一，自從佔旺起一直留守，「初初嗰陣旺角好多警察同衝突，𠵱家平靜啲，希望同社區有交流同溝通，話畀佢哋聽唔係想阻住街坊，只喺希望政府回應真普選訴求」。
另有文宣隊成員指洗樓時有一名旺角街坊好支持佔領，但3星期後變為反佔中，「佢做雜工，一開始好支持佔中，但之後被老闆炒咗，佢哋好多時候覺得政治就係政治，同生活無關，我哋就係想透過討論講清楚冇份選特首，政策傾向大財團，影響佢哋食飯、租金、交通，根本與政治密不可分，我哋出嚟唔係只係為自己」。
冒捱罵風險「了解佢哋」
9.28當晚理大碩士生Vito在電視畫面看到防暴隊向手無寸鐵的市民施放催淚彈，「好憤怒，我唔覺得要用呢種強硬手段對付市民」。
佔領運動超過一個月，他到過金鐘留守，又笑言近日外出食飯，年長一輩都認為學生搞事，「周圍啲師奶、叔叔佢哋都唔係好理解件事，覺得我地被煽動、收錢先出嚟」。
他前晚首次去洗樓，「我想同唔係參與緊運動嘅市民解釋，等佢哋理解多啲呢件事」。
他指洗樓要面對被街坊臭罵的風險，「都擔心安全，但我覺得唔可以因為擔心而唔做呢件事，要勇敢企出嚟同佢哋解釋，聽吓佢哋講乜，了解佢哋諗法都好重要！」