【本報訊】「旺角好暴力，成日打嚟打去，經過容乜易被人打埋一份」、「返屋企啦，你哋霸馬路都鬥唔贏共產黨啦！」旺角文宣隊過去幾日洗樓，聽得最多是街坊斷定旺角好危險，回家兜路行，但他們心底原來都支持爭取民主，也希望可一人一票選特首。
佔領逾月，旺角文宣隊在過去幾日拍門、洗樓20多幢。每晚出發前成員會先圍在一起簡介，洗樓後也會坐下討論。
總結這幾天的經驗，發現不少市民、街坊支持民主及普選，但只是極權政府令他們卻步，不少年長一輩曾受共產黨壓迫，「上咗年紀嘅人會諗共產黨你哋鬥唔贏」。
他又稱，不少街坊都有好多誤解，「阻路唔好、阻住人唔好，成日話阻住人哋，但原來街坊講番其實自己無受影響，因為佢哋係搭地鐵，平時買嘢都唔會去彌敦道，但就斷定會阻人」。
新聞的衝突畫面也令街坊誤以為留守者很暴力，「好多街坊都覺得旺角好暴力，睇電視、睇新聞，成日見到差人打人，好多人衝擊好危險，但佢哋又會講番試過行落嚟，見到啲人坐喺度，個個圍圈傾偈，原來睇到真實好唔同，好和平，同平時睇電視唔同」。