這是一個廣告：──
姊妹下午茶，各自誇耀她們的心水。
A：「我嗰個松哥好溫柔㗎，佢成日𠱁得人好開心。」
B：「我嗰個田少好man㗎，佢單手就抱得起我嘞。」
A：「我嗰個錫老婆仔女，偷步買車都肯承擔呀。」
B：「我嗰個一手推冧廿三條，一手扯低689，扯唔低都挺直腰骨暢所欲言。」
A：「我話溫柔D好！」
B：「我話man D好！」
「唔信你睇──」二人正欲把手機中未來老公熱門候選人展示。
忽聽一下獅吼：「你兩個死女包，想學我博見報呀？」
原來是孽瘤細媽──那些年她姣屍炖篤勾佬，結果走佬。收尾返頭嫁做咗二女後底乸。野心勁愛出風頭，日夜想揸大抽鎖匙，梗係唔中意女生外向分身家獨立自主。
──誰知二人手機中相片，竟是萬聖節App中一頭野狼，披件大紅袍，伸出3 D魔爪，嚇到她倆嚎哭不止，成盒紙巾也不夠用。此時手機詭異地爆炸了！
廣告sell原裝電池和充電器。用祖國地下產品山寨貨，必同歸於盡。