【本報訊】「美酒佳餚巡禮」以往在中環及西九舉行，大多吸引中產及外籍人士前往，今年移師至啟德郵輪碼頭對開空地，免費予公眾入場和開設免費穿梭巴士，大大擴闊客源，有展商指美酒節平民化，吸納中產以外的市民有利銷情。
四日以來美酒節人流未見減少，當中不少市民屬首次參與，包括馮太與女兒，「以前都冇去，係噚日有朋友嚟過話好好推薦我哋，咁我又未睇過郵輪碼頭，咪嚟感受吓！」林小姐則指在中環舉行反而沒興趣去，「呢度有穿梭巴士，地方大，睇電視覺得特別就想嚟」。
「多咗家庭主婦幫襯」
主售歐洲食品的Classic Fine Foods市場主任李子駿表示，今年免費入場，令客路擴闊，不局限於中產，「以前都係middle class（中產）入嚟飲酒為主，今年免費入場，多咗家庭主婦幫襯，連乾貨都賣得好好」。
普遍入場的市民均支持翌年再於啟德辦美酒節，但希望交通配套可以改善。何生打算上周五放工後前來，但交通過於擠塞，的士司機也不肯接載，只好等到昨日中午再來，「呢度氣氛幾好，但希望交通好啲，想夜晚嚟都驚太多人」。