【本報訊】佔領踏入第二個月，「我要真普選」的巨型條幅遍地開花，繼獅子山、大帽山及飛鵝山後，下一站有機會在太平山展示。不過，消防處副消防總長梁偉雄昨在記者會直斥在懸崖上掛標語除了違法，又對公眾安全構成風險。
許sir不滿警察被講成壞人
梁偉雄昨指留意到網上有人討論繼獅子山、大帽山及飛鵝山掛上「我要真普選」的標語後，「會喺邊度再掛起類似嘅巨型條幅」。他指這些行為違法及對公眾安全構成風險。「我想同喺獅子山、飛鵝山掛起巨型條幅嘅人講，你哋有能力將呢啲巨型條幅掛起，相信你哋一定有游繩同攀山嘅技術，亦都應該係非常注重安全嘅人士，我𠵱家請你哋注意公眾安全，唔好再咁樣做」。
警察公共關係科總警司許鎮德稱，佔領運動超過一個月，仍有不少人表示會繼續非法行為，又指有充足的物資支援長期抗爭，他稱遺憾及憂慮。
警察因涉濫用私刑毆打示威者，令警隊形象插水，許反指留意到網上流傳的片段，有人向幼兒灌輸有關警察非常負面的訊息，「將警察講成壞人，我認為係非常唔負責任嘅行為」。他說：「我哋係咪真係想睇到我哋嘅子女喺遇到罪案，或者緊急事故嘅時候，會因為唔知應唔應該向警察求助而感到迷惘？係咪希望睇到佢哋蔑視執法人員，視法治如無物？」