香港腦腸品牌XPOWER，呢排Keep住都係出鋰聚合物尿袋，喺好多人仲係用緊大大嚿嘅小米電之時，呢個係佢嘅吸引賣點；Sales話佢嘅鋰電材料來自LG，仲有成13,000mAh，不過更強賣點係佢有最高3.4A輸出，喺一般機仲玩緊2.1A時，佢當然可以波波盡叉你啲智能產品啦！不過亦唔好太過科學迷信，其實好多手機都會有電子截流機制，過高的A數推入去，佢都會幫你停咗佢，成為咗浪費，總之一句到尾，要清楚自己嘅裝備食唔食得起，先好用3.4A呀！其它功能仲有內置一條連接機身嘅micro USB叉電線，同一個USB輸出插口，價錢$338，以容量同技術嚟計，價位只算係合理。
A-Grade
（深水埗欽州街94號黃金中心地舖4-7）
記者：朱崇德