啱啱過咗嘅萬聖節，唔知大家有冇扮鬼嚇人？又或者被人扮鬼嚇親呢？不過點都冇所謂，最緊要大家玩得開心，Happy！
今次賽事會唔會爆到好似萬聖節撞鬼咁得人驚呢？跑完就知，不過有幾隻馬嘅部署可以用「鬼鬼哋」嚟形容。第一匹係第二場嘅「明目張膽」，明明跑開田草1200米有好演出，今期亦有此賽程，點知卻走去增程跑1400米，仲要出埋王牌，好鬼喎！
另一匹係第九場「貝利奇」，明明草地好啲，但今期竟走去跑泥地，廐侶泥地王「三和福將」讓路唔跑呢場，剛周三走咗去跑谷草，你話冇嘢真係冇人信。
至於尾場「舖舖順」都好鬼囉，明明谷草好啲，哈，佢又唔報谷草，走嚟今期跑沙田，唔通又有計？