何韻詩因支持佔中遭內地官方封殺，反佔中藍絲帶人士知道她昨日在尖沙嘴出席髮型產品活動，曾聲言會踩場，昨日她出席活動時，大會出動約12名保安戒備，藍絲帶最後沒有出現，而慣常來現場採訪的內地電視台與網站在封殺令下未有到場，而維穏無綫亦沒派人採訪。
空手道傍身
問阿詩藍絲帶沒來踩場是否鬆一口氣？她說：「我本來都冇咁緊張嘅，反而大家好似仲緊張過我。不過我都係嗰句，我係絕對歡迎大家嚟表達意見，始終理性溝通係一個好重要渠道。」
阿詩承認最近商演活動減少，是否因撐佔中有關係？她表示：「唔多唔少都會（影響收入），但都會有啲有眼光嘅商戶。大家都唔使太擔心我。就算我要食穀種，我都捱到一陣嘅。」
問到出街會否擔心被反佔中人士施襲？她說：「我行得正企得正，我光明磊落，冇必要驚乜嘢，而且我都有食過夜粥，學過空手道，黑帶對落嘅啡帶。同埋我自己本身都有啲氣場，啲人唔敢埋我身……講笑箒。希望大家理性啲，唔好用啲野蠻方法。好似你見到啲網上暴力，其實唔係好影響到我，但係你貶低咗你自己。」
採訪：文國駿
攝影：仇志德
【三個粉絲去首爾】
追星實錄，即上韓劇讀: http://hk.apple.appledaily.com/kstar