【本報訊】任職投資銀行的Felix，昨午在旺角書閣打書釘，和朋友相約旺角，計劃佔領至凌晨。留守期間，Felix（32歲）拿相機記錄日前變化，影標語、文宣，對於旺角兩、三天就轉變一下的有機性，他特別欣賞，金鐘反而倚賴大台，群眾參與較少。
港人要捍衞香港話事權
9.26因為學民、學聯重奪公民廣場，Felix開始聲援學生，明明是公共空間，他不甘被政府奪走。9.26他就站在警察前做人盾，胡椒噴霧由他左邊噴過，眼見警察用胡椒噴霧及催淚彈開路，令他倍感荒謬，「示威者做過啲乜？搖下鐵馬、遮篤親警察，都唔會整痛警察，點解要咁樣對人民？」Felix指佔領首四天，心情最激動，每日返工，但心靈已附在佔領區。
這場雨傘運動，不少金融才俊避之則吉，作為財金界的菁英分子，Felix卻不言退，「我哋有嘅專業資格，都係法治基礎保障，如果大陸隨便改法治，等同亂改遊戲規則，我哋嘅專業仲有乜保障？」
Felix認為香港人要捍衞香港的話事權，近年對中港不斷融合尤其反感，「香港唔需要高鐵，點解要香港迎合中國嘅網絡，加上冇一地兩檢，邊境點樣打擊罪案？」
他覺得雨傘運動至今已35天，持續坐下去也無大突破，認為五區公投或可成為其中的契機，「民主黨成日話要喺議會做關鍵議席，唔願意五區公投，大家停咗喺度，話要等時機成熟，但呢場運動都冇等時機喎」。