【本報訊】夏慤道上，介乎政總與解放軍總部之間，有幾個年輕人伏在地上專心畫畫，掛着「我要真普選」條幅的獅子山，彷彿搬到馬路上，山下有風格迥異的漫畫人物，習總、梁特與林鄭，竟都一起舉黃傘。
有感爭真普選被嘲愚公
獅子山由22歲的Cola與Chris主力繪畫，漫畫習總與高官，則出自其中學老師之手，老師又帶來母校師弟妹協助，花約12小時完成巨作。第一次在馬路畫畫，Cola與Chris原本想畫的是難度高的3D畫，「畫畫吓就變咗free style」，幸成品也隱約可見立體感。Cola先以粉筆勾畫輪廓，再以乾粉彩及炭筆打陰影，顏料耗盡，索性改以燒烤炭上色。
Cola說，這次金鐘重現情境，是有感爭取真普選被嘲是愚公移山，「咁我就移座山嚟畀你睇」。她認為蜘蛛仔的行動重新定義了獅子山精神，「上一代相信嘅肯捱就會贏、搵食最重要，成日加諸畀我哋，要我哋接受呢啲所謂獅子山精神。點解要俾上一代定義我哋？我哋可以自己重新定義」。
至於舉傘高官，Cola引述老師說，「想喺難得嘅Halloween FF吓，都係一種希望啦」，FF是Final Fantasy的簡寫，意即幾乎不可能實現的終極夢想。當權者順應民意，一起的撐，何日才不會如此遙不可及？