一段網台錄音熱播，內容為「用聖鬥士解釋香港人缺乏向上流動機會」。
漫畫的五位青銅聖衣主角，負責保護雅典娜，捱過教皇警棍，食過海皇胡椒噴霧，仲有冥皇催淚彈，最後任務完成，他們得到的獎勵是：繼續做最低級的青銅聖鬥士！
網台主持人用萬丈激情的粗口生動演繹了香港人心聲：「我X你老母！你雅典娜係咁話星矢靠你啦，同政府成日話咩獅子山精神你捱吓啦，然後最後，我仲係青銅聖衣！」
如果青銅聖衣是14K以下的香港人，黃金聖鬥士明顯就是權貴富豪，白銀聖鬥士，應該就是那些只顧買手袋飲紅酒不問世事笑人廢青無論香港政局如何變化都漠不關心的離地中產。
另一套經典漫畫《龍珠》更符合香港人口味。
《龍珠》的主角只要修行便可以升級，唔會成世戰鬥力得14K。
第二，權貴無Q用。比達是撒亞星的王子，而孫悟空是下級戰士，但結果每次比達王子都敗在平民悟空手上，官二代無用。
第三，龍珠有一個非常公平的機制，就是「天下第一武鬥會」。個個都話自己好打得，請上台見真章。這簡直是普選，無入閘門檻，孩童孫悟空可以參加，天神扮老翁也可以入閘，唔使選委提名。黃金聖鬥士就算唔夠青銅聖鬥士打，仍可霸佔十二宮；武鬥會不同，一橫一豎，企直就贏，躺下便輸。
《龍珠》有一個角色非常有趣，叫「撒旦」。他贏過「天下第一武鬥會」冠軍，因為嗰屆，孫悟空等勁人全部缺席。
這簡直是一個預言：一個有篩選的普選，就像一個沒有了孫悟空等人參加的「天下第一武鬥會」，出來的冠軍，就只會玩語言偽術、以欺詐手段贏取不明真相的群眾掌聲；當然，漫畫的撒旦先生，比起現實的那人，可愛太多了。